ಪರಿಶುದ್ಧ ಜೀವಿತಕ್ಕಾಗಿ ಪ್ರಾರ್ಥನೆ

ಪರಿಶುದ್ಧ ಜೀವಿತಕ್ಕಾಗಿ ಪ್ರಾರ್ಥನೆ

ಪರಿಶುದ್ಧನಾದ ದೇವರೇ, ನಿನ್ನ ಪರಿಶುದ್ಧವಾದ ನಮಮ್ಕ್ಕೆ ಮಹಿಮೆ ಉಂಟಾಗಲಿ! ನಾನು ಪರಿಶುದ್ಧನಾಗಿ ಜೀವಿಸಬೇಕೆಂಬ ನಿನ್ನ ಚಿತ್ತಕ್ಕೆ ನನ್ನನ್ನು ಸಮರ್ಪಿಸುತ್ತೇನೆ,  ಪರಿಶುದ್ಧತೆಯಿಲ್ಲದೆ ಯಾರೂ ದೇವರನ್ನು ಕಾಣಲಾರರು (ಇಬ್ರಿಯರಿಗೆ 12:15) ಎಂಬ ವಾಕ್ಯದಂತೆ ನನ್ನನ್ನು ಶುದ್ಧೀಕರಿಸಲು ಒಪ್ಪಿಸಿಕೊಡುತ್ತೇನೆ!  ನಾನು ನನ್ನ ಹೃದಯದ ಆಲೋಚನೆಯಿಂಡಲೂ, ಮನಸ್ಸಿನ ಭಾವನೆಯಿಂದಲೂ, ನನ್ನ ನಡೆ-ನುಡಿ, ಕ್ರಿಯೆಗಳಿಂದ ಅಂತರಂಗವಾಗಿಯೂ-ಬಹಿರಂಗವಾಗಿಯೂ ಮಾಡಿದ ಎಲ್ಲಾ ಪಾಪಗಳನ್ನು ಮನ್ನಿಸಿ ಸಕಲ ಅನೀತಿಯನ್ನೂ ಪರಿಹರಿಸಬೇಕಾಗಿ ಪ್ರಾರ್ಥಿಸುತ್ತೇನೆ, ನಿನ್ನ ಮಹಾ ಪರಿಶುದ್ಧಸ್ಥಳದಲ್ಲಿ ನಿನ್ನ ಮಹಿಮೆಯನ್ನು ನಾನು ಕಾಣುವಂತೆ ನನ್ನನ್ನು ಯೋಗ್ಯನನ್ನಾಗಿ ಮಾರ್ಪಡಿಸು! ನೀನು ಯಾವ ದೋಷವೂ ಇಲ್ಲದವನಾಗಿರುವಂತೆ ನನ್ನನ್ನೂ ದೋಷವಿಲ್ಲದವನನ್ನಾಗಿ ಪರಿವರ್ತಿಸು. (ಮತ್ತಾಯ 5:48)  ಪರಿಸುದ್ಧತೆಗೆ ವಿರೋಧವಾಗಿ ನಾನು ಮಾಅಡಿದ ತೀರ್ಮಾನಗಳನ್ನು ಕೆಡವಿ ಹಾಕುತ್ತೇನೆ! ಇಹಲೋಕ ಸ್ನೇಹದೊಂದಿಗೂ, ಶರೀರಭಾವದೊಂದಿಗೂ ನಾನು ಮಾಡಿಕೊಂಡ ಒಡಂಬಡಿಕೆಗಳನ್ನು ರದ್ದುಗೊಳಿಸುತ್ತೇನೆ! ಪರಿಶುದ್ಧ ಮಾರ್ಗದಲ್ಲಿ ಮುನ್ನಡೆಯಂತೆ ನನ್ನನ್ನು ಅನರ್ಹಗೊಳಿಸುವಂತವುಗಳನ್ನು ನನ್ನ ಆಲೋಚನೆಯಿಂದ, ಶಾರೀರಿಕ ಮತ್ತು ಆತ್ಮೀಕ ಜೀವಿತದಿಂದ ಬಹಿಷ್ಕರಿಸುತ್ತೇನೆ!  ಭೂಮಿಯಲ್ಲಿ ಜೀವಿಸುವ ದಿನವೆಲ್ಲಾ ನಿನಗೆ ಸಾಕ್ಷಿಯಾಗಿ ಬಾಳಲು, ಭೂಮಿಗೆ ಉಪ್ಪಾಗಿ ರುಚಿಕೊಡಲು-ಲೋಕಕ್ಕೆ ಬೆಳಕಾಗಿ ಬೆಳಗಲು ನನ್ನನ್ನು ಸಮ್ರ್ಪಿಸುತ್ತೇನೆ! ನನ್ನ ಪಾಪ ಪರಿಹಾರಕ್ಕಾಗಿ ಸುರಿಸಲ್ಪಟ್ಟ ಯೇಸುವಿನ ರಕ್ತದಿಂದಲೂ, ಜೀವವನ್ನುಂಟುಮಾಡುವ ನಿನ್ನ ವಾಕ್ಯದಿಂದಲೂ ನನ್ನನ್ನು ಶುದ್ಧೀಕರಿಸು ನಿನಗೆ ಉಪಯೋಗವಾಗುವ ಪರಿಶುದ್ಧ ಪಾತ್ರೆಯಾಗಿ ರೂಪಿಸು- ಉಪಯೋಗಿಸು! ಯೇಸುವಿನ ನಾಮದಲ್ಲಿ ಪ್ರಾರ್ಥಿಸುತ್ತೇನೆ ಪರಲೋಕದ ತಂದೆಯೇ, ಆಮೇನ್!

ಮುಂದುವರಿಯುವುದು...,